Tamil Movie Ads News and Videos Portal

வைரல் வரவேற்பில் ஹன்ஷிகா மோத்வானியின் “மஹா” திரைப்பட டீஸர் !

நடிகை ஹன்ஷிகா மோத்வானியின் 50 வது திரைப்படமான “மஹா” அறிவிப்பு வெளியானது முதலே, அனைவரது கவனத்தையும் ஈர்த்து வருகிறது. ஹன்ஷிகா மோத்வானியின் அசத்தல் தோற்றத்துடன் வெளியான ஃபர்ஸ்ட் லுக், ரசிகர்களிடம் பெரும் வரவேற்பு பெற்ற நிலையில், படத்தில் நட்சத்திர நடிகர் சிலம்பரசன் TR பங்கு கொள்வது, படத்தின் மீதான எதிர்பார்ப்பை எகிறச்செய்துள்ளது. இந்த நிலையில், நேற்று 2021 ஜூலை 2 அன்று இப்படத்தின் டீஸரை முன்னணி நடிகர் சிவகார்த்திகேயன் வெளியிட்டுள்ளார். இந்த டீஸர் வெளியானது முதல் இணையவாசிகளிடம் பெரும் வரவேற்பை பெற்று, வைரலாகி வருகிறது.

2 நிமிடங்கள் ஓடக்கூடிய “மஹா” படத்தின் டீஸரில், மிக வித்தியாசமான கதைகளத்தில், இதுவரை பார்த்திராத தோற்றத்தில் ஹன்ஷிகா மோத்வானி கலக்கியுள்ளார். மேலும் படத்தில் சிலம்பரசன் TR, ஶ்ரீகாந்த், கருணாகரன் பாத்திரங்களும் ரசிகர்களின் ஆர்வத்தை தூண்டும் வகையில், டீஸரில் வெளிப்பட்டிருக்கிறது.